مهيسين

اهلا بك فى منتدى المهيسين

هيس هيس تبقى كويس

انت لسة مش مسجل

نتشرف بوجودك

ضحك ولعب وشوية جد

هيس هيس تبقى كويس
يا مهيسين العالم اتحدو

    هي اية السعادة

    شاطر
    avatar
    zezo adel
    مهيساتى
    مهيساتى

    عدد المساهمات : 144
    نقاط : 175
    تاريخ التسجيل : 28/09/2009
    العمر : 20
    الموقع : الجيزة

    هي اية السعادة

    مُساهمة من طرف zezo adel في السبت أكتوبر 10, 2009 12:46 pm




    مش عارفة ليه فقدنا القدرة على الرؤية و الاستمتاع بالسعادة والشعور بوجودها بقينا بنشوف الدنيا كئيبة ومحبطة كده ومش عارفين نشاور على لحظات السعادة اللى بتمر علينا


    يا ترى مش عارفين ندرك ان هى دى السعادة ولا مش عارفين نحس بيها كحاجة تسعدنا ؟


    وهل لازم يحصل نقيض الحدث علشان ندرك ان غيابه كان ليه اثر ؟

    بمعنى تانى لما نصحى الصبح واحنا بكامل صحتنا وعافيتنا وننزل الشارع نروح شغلنا وينقضى اليوم وبعديه الشهر ونقبض مرتبنا ونصرفه كل دى مسلمات لا تدعو للسعادة ؟
    انما لما تصحى من النوم وتلاقيك تعبان وتروح للدكتور وتكتشف اصابتك بمرض يهدد الحياه هتدرك وقتها ان اللى كنت فيه كان قمة السعادة بالمقارنة للحالة اللى انت فيها دلوقتى
    ولما تروح الشغل وتلاقيهم استغنوا عنك ويجى اخر الشهر ومطلوب منك مصاريف مش قادر توفيها مش كنت فى سعادة وامان

    بعد الشر عنكم كلكم من كل مكروه

    ايه مفهوم السعادة وبنحسها امتى ؟



    هى فى ايدينا كل يوم كل لحظة كل ثانية
    فى صحتك ولمة اسرتك وشغلك ودراستك ونجاحك وضحكة اطفالك وهما بصحة وعافية
    طيب بندور عليها فى ايه تانى وليه اذا كانت موجودة ادامنا مش حاسين بيها او اتعودنا على وجودها فمبقتش تسعدنا لكن اول ما تغيب نعرف قيمتها

    محتاجين نحس بالرضا عن نفسنا وحياتنا وكل ما نملك
    يوم ما هتحس انك راضى لازم تحس بالامتنان لانك تملك حاجات ناس كتير غيرك محرومين منها
    ومش لازم نغضب اذا لاقينا حاجة ناقصة وعند غيرنا مش عندنا لان بمنتهى البساطة فى عدل فى التوزيع
    اللى ناقص عندك وموجود عند غيرك هيقابله حاجة ناقصة عنده بس موجوده عندك

    فاكرين ال 24 قيراط نصيب كل واحد فينا من مختلف توزيعات الحياه
    هتاخد ال 24 بتوعك زيك زى غيرك بس المسألة كلها نسبة وتناسب ما بين الصحة والمال والبنون والعمل ووووو لكن فى النهاية انت واخد حقك كامل ومكمل

    من مدة مر عليه حوار من غير قصد سمعته ومش قادرة انساه ابدا اخترق ودنى ووجعنى مش قصدى اضايقكم ولا اكئبكم بقدر ما قصدى ان لما هتسمعوه مش هتقولوا غير زى ما قلت

    كنت فى مشوار شغل وسمعت الحديث بين الموظف وزميله بيسأله عن حالة زوجته الصحية عاملة ايه دلوقتى
    فيرد الموظف وهو حزين وبيقول ان حالتها مش حلوة انت عارف طبعا ان من يوم ما جالها الشلل الرباعى ( للى مش عارف يعنى ايه ده شلل فى الاربع اطراف وبيكون الانسان عاجز تماما عن اى حركة وفى حالة رقود لا يملك لنفسه اى شىء ) ربنا يحفظنا جميعا
    اد ايه صعب الانسان يتخيل نفسه كده المهم انها بتحتاج لعلاج طبيعى علشان ما يحصلش ضمور فى العضلات
    دكتور العلاج الطبيعى وهو بيعالجها ويمرن عضلاتها كسر ذراعها


    معرفش ازاى اتجمدت فى مكانى وفضلت اقول الحمد لله الذى شافانى وعافانى
    وجوه نفسى بقول هى كانت ناقصة فوق كل اللى عندها يا ربى كسر ؟

    يجوز ابتلاء واختبار يجوز عقاب محدش فينا يعرف ليه لكن اى حد ممكن يكون كده
    وقتها بس هتكون قمة امنياتنا حلم بيوم واحد نمشى فيه على الارض واحنا بصحتنا
    شفى الله كل انسان ورفع عنه البلاء

    من فضلكم انظروا الى كل ما تملكه ايديكم على انه نعمة وفضل واسعدوا بيه كأنه هديه ملكتها محروم منها غيرك
    اعد النظر فى ما تملك ولا تحزن على ما لا تملك فربما ان ملكته نقص شيئا اخر مما تملك

    واشعر بالرضا فسر السعادة هو ان ترضى بما لديك
    قف عند كل نعمة لديك واستمتع بها فهنا ايضا السعادة
    سعدت بكم جميعا واسعدكم الله كما اسعدتمونى
    توتا
    avatar
    sama
    بيحاول يهيس
    بيحاول يهيس

    عدد المساهمات : 71
    نقاط : 92
    تاريخ التسجيل : 28/09/2009
    العمر : 25

    رد: هي اية السعادة

    مُساهمة من طرف sama في السبت أكتوبر 10, 2009 2:51 pm

    الحمد لله على كل شى
    موضوع حلووو اووووى
    يسلموا
    avatar
    Admin
    Admin
    Admin

    عدد المساهمات : 568
    نقاط : 753
    تاريخ التسجيل : 27/09/2009
    العمر : 27

    رد: هي اية السعادة

    مُساهمة من طرف Admin في السبت أكتوبر 10, 2009 7:38 pm

    الحمد لله
    موضوع بجد جاااامد


    _________________


    يمكن اشتاق و القى زكرى تصحى حنينى
    لكن عمرى الى باقى عمرك ما هتلاقينى
    بكره يجيلك يوم تلقى نفسك مكااااااااانى
    تصحى على هموم و تقول راح فين زمانى
    avatar
    rahmasalah
    مشرف
    مشرف

    عدد المساهمات : 250
    نقاط : 410
    تاريخ التسجيل : 28/09/2009

    رد: هي اية السعادة

    مُساهمة من طرف rahmasalah في الأربعاء أكتوبر 21, 2009 8:52 pm

    mawdo3 gamed gdn

      الوقت/التاريخ الآن هو الجمعة نوفمبر 24, 2017 8:39 pm